AmCham’дын Салык жана Бажы маселелери боюнча Комитетинин биринчи жыйыны

18-декабрда LEX Юридикалык фирмасынын башкаруучу өнөктөшү Андрей Ли AmCham’дын Салык жана Бажы маселелери боюнча жаңы түзүлгөн Комитетинин биринчи жыйынына катышты.

Жолугушуу учурунда катышуучулар Комитеттин 2026-жылдагы иш планы менен таанышып, бизнес салык мамилелер чөйрөсүндө туш келип жаткан актуалдуу көйгөйлөрдү талкуулашты. Айрыкча көңүл бизнес коомчулугу менен мамлекеттик органдардын ортосунда натыйжалуу жана конструктивдүү диалог түзүү аркылуу чечсе болчу маселелерге бурулду.

Комитеттин ишине катышуу бизнес коомчулугунун эксперттик көз караштарын бириктирүүгө жана Кыргыз Республикасындагы салык жана бажы жөнгө салуусун өркүндөтүүгө багытталган практикалык сунуштарды иштеп чыгууга өбөлгө түзөт.

LEX Юридикалык фирмасы кесиптик жана ишкердик демилгелерге активдүү катышууну улантып, ачык-айкын жана туруктуу ишкер чөйрөнү өнүктүрүүгө колдоо көрсөтүп келет.